ಡಿಜಿಟಲ್ ಯುಗಲಿ ಅರೆಭಾಷೆ ಒಳಿದಾ?

                        ಹೂಲಿದ್ದ ಮಿಡಿಕಾಯಿ ಕಾಲ ಕಳ್ದಾಂಗೆ ಕರ್ಕ್  ಆಗಿ ಬೆಳ್ದ್ ದೊಡ್ಡದಾದೆ. ಹಂಗೇ ಹಣ್ಣಾಗಿ ಬಿದ್ದದೆ ಕೂಡ..... ಆದರೆ ಅಲ್ಲಿಗೆ ಅದರ ಜೀವನ ಮುಗ್ತಾ?? ಇಲ್ಲೆ.... ಅದರ ನಿಜವಾದ ಜೀವನ ಸುರು ಆದೇ ಅಲ್ಲಿಂದ!! ಹೆಂಗೆ ಗೊತ್ತುಟಾ... ಹಣ್ಣ್ ಲಿದ್ದ ಬೀಜ ಮೊಂಗೆ ಬಂದ್ ಹೊಸ ದೈ ಆಗಿ ಮರ ಆದೆ. ಅದರ ನಂಬಿಕಂಡಿದ್ದವು ಅದರ್ನೇ ಬೆಳ್ಸಿ ಆರ್ಥಿಕ ಸ್ಥಿತಿ ಸುಧಾರ್ಸಿಕಂಡವೆ... ಉದಾ: ಹಿಂದೆಲ್ಲಾ ಇದ್ದದ್ ಬೀಜ ಕೊಚ್ಚಿ. ಗ್ಯಾರ್ದಣ್ಣ್ ದೈ ಅದರಷ್ಟಕ್ಕೆ ಹುಟ್ಟಿ ಮರ ಆತಿತ್ತ್. ಈಗ ಕಸಿ ದೈ ನೆಟ್ಟ್ "ಗೇರು ಬೀಜದ ತೋಪು" ಮಾಡುವೆ. ಅಷ್ಟೇ...ಹಂಗೇ ನಮ್ಮ ಅರೆಭಾಷೆ ಕೂಡ... ನಮ್ಮ ಅಜ್ಜ, ಮುತ್ತಜ್ಜನ ಕಾಲಂದಲೇ ಮುಂದುವರಿತುಟ್ಟು.... ಅಜ್ಜನ ಕಾಲಕ್ಕೇ ಬುಟ್ಟೋತ್ಲೆ... ಆದರೆ ದಿನ ಕಳ್ದಾಂಗೆ ಮೊಬೈಲ್, ವಾಟ್ಸಾಪ್, ಫೇಸ್ ಬುಕ್ ಗಳೇ ಎಲ್ಲರ ಜನಜೀವನ ಆಗ್ತುಟ್ಟು. ( ಮೊದ್ಲೆಲ್ಲಾ ಮಕ್ಕಳಿಗೆ ಬೂದಿಗುಡ್ಡೆಲಿ ಹೊಣ್ಕುವ ನಾಯಿಮೊರಿಗಳೇ ಜೀವಂತ ಆಟದ ಸಾಮಾನ್ ಗ.... ಈಗದವ್ಕೆ ಕೈಲಿ ಒಂದು ಮೊಬೈಲ್ ಕೊಟ್ಟು ಕುದ್ರುಸಿರೆ ಆತ್.. ಆ ಮಕ್ಕಳೇ ಗೊಂಬೆಗಳಾಂಗೆ ಕುತ್ತ ಕುದ್ದ್ ಕಂಡವೆ ಅಷ್ಟೇ!!). ಏನ್ ಯಾ ಬಾವ ಹೋಗಿ ಹಾಯ್, ಹಲೋ ಆಗುಟು... ಚಿಕ್ಕಪ್ಪ, ಸಂಣಪ, ಉಗ್ಗವ, ಚಿಕ್ಕಂವ ಹೋಗಿ ನಮ್ಮ ಸುತ್ತ ಅಂಕಲ್, ಆಂಟಿಗಳೇ ತುಂಬಿ ಹೋಗೊಳೊ. ಇನ್ನ್ ಅರೆಭಾಷೆಲಿ ಬರ್ದ ಪುಸ್ತಕ ಓದುದು ಬುಡಿ.. ಮಾತಾಡಿಕೇ ಕಷ್ಟಆದೆ. ಇಂಥಾ ಡಿಜಿಟಲ್ ವ್ಯವಸ್ಥೆಲಿ ನಮ್ಮ ಅರೆಭಾಷೆ ಒಳಿದಾ???

                          ಖಂಡಿತಾ ಒಳ್ದದೆ. ವಿಶೇಷವಾಗಿ ನಮ್ಮ ಹೈದ , ಗೂಡೆಗ ಒಳ್ಸುವ ಪ್ರಯತ್ನ ಮಾಡ್ತೊಳೊ. (ಯುವ ಜನಾಂಗನೇ ಅಲ್ಲನ ನಮ್ಮ ಭವಿಷ್ಯ!). ಅದುವೇ ಒಂದು ವೆಬ್ ಸೈಟ್ http://www.arebhashegowda.com ನಮ್ಮ ಹೈದ "ಮಿಥುನ್ ಬಿಲ್ಲಾರ" ಮಾಡ್ದ ವೆಬ್ ಸೈಟ್...(ಯಾಗೋಳು ಕಾಯಿಲೆ, ಪೇಶೆಂಟ್ ಗಳೊಟ್ಟಿಗೆ ಮುಳ್ಗಿರುವ ನಂಗೆ, ಹಿಂಗೊಂದ್ ಸೈಟ್ ಮಾಡಿಕೆ ಆದೇತೇಂಳುವ ಯೋಚನೆನೇ ನನ್ನ ಬೊಡ್ಡ್ ತಲೆಗೆ ಇತ್ಲೆ!!!). ಮೊದ್ಲ್ ನಾ ಬರ್ದದರ ಫೇಸ್ ಬುಕ್ ಗೆ ಅಂಟಿಸ್ ತಿದ್ದೆ. ಮತ್ತೆ ವಾಟ್ಸ್ ಆಪ್ ಲಿ ಬುಟ್ಟೆ. ಕೆಲವು ಓದಿದೊ. ಫಾರ್ ವರ್ಡೂ ಮಾಡ್ದೊ. ಕಡೆ ಕಡೆಗೆ ಹೊಡ್ಕಿ ಒಳ್ದ ಜಳ್ಳ್ ಬತ್ತದಾಂಗೆ ಎತ್ತ ರೆಟ್ಟಿ ಹೋತೋ... ದೇವ್ರಿಗೇ ಗೊತ್ತು!!! ಅದ್ಕೆ ಇನ್ನ್ ಒಳ್ದದೂ ರೆಟ್ಟಿ ಹೋದು ಬೇಡಾಂತ ಬ್ಲಾಗ್ ಕೂಡ ಮಾಡ್ದೆ... ಅದೇ "ಮಿಣ್ಪುಳಿ"( ಇಲ್ಲಿ ಯಾಗ ಬೇಕರೂ ಬರವಣಿಗೆಗ ಓದಿಕೆ ಸಿಕ್ಕಿದೆ). ನಾವು ಬರ್ದದ್ ಪತ್ರಿಕೆಲಿ ಬರ್ದರೆ ಪತ್ರಿಕೆ ತಕಂಡವ ಮಾತ್ರ ಓದಿದೆ. (ಕಡೆಗೆ ದಾರಿಕರೆ ಗೂಡಂಗಡಿಲಿ ಆಮ್ಲೆಟ್/ಚಟ್ಟ್ಂಬಡೆ ಕಟ್ಟಿರೂ ಗೊತ್ತಾದ್ಲೆ!!). ಅದ್ಕೇ ನಾವ್ ಇಲ್ಲಿ ಹಾಕಿರೆ ಅರೆಭಾಷೆ  ಗೌಡ್ರ್ ಗ ವಿಶ್ವದ ಯಾವುದೇ ಮೂಲೆಲೇ ಇದ್ದರೂ ಓದಿ ಖುಶಿ ಪಡಕ್.

ಹಂಗೇ ಅರೆಭಾಷೆಲಿ ಇನ್ನೂ ಕೆಲವು ಬರವಣಿಗೆಗ ಬರ್ತಾ ಉಟ್ಟು. ನನ್ನ ಮಾವಂದಿರ್ ಹೊದ್ದೆಟ್ಟಿ ಭವಾನಿಶಂಕರ, ಹೊದ್ದೆಟ್ಟಿ ತೀರ್ಥರಾಮ ಇವರೊಟ್ಟಿಗೆ ನನ್ನಣ್ಣ ಯಶವಂತ ಕುಡೆಕಲ್ಲ್, ಬಡ್ಡಡ್ಕ ತೇಜ ಚಿಕ್ಕ, ಬಡ್ಡಡ್ಕ  ವೇದ ಅಂವ್ವ, ಚಟ್ಟಿಮಾಡ ಜಯಮ್ಮ ದೊಡ್ಡವ್ವ, ಅಂಬೆಕಲ್ಲ್ ಪುಟ್ಟಣ್ಣ ದೊಡ್ಡಪ್ಪ, ಅಡ್ತಲೆ ಭವಾನಿ ಅಣ್ಣ... ಇವೆಲ್ಲಾ ಅರೆಭಾಷೆಲಿ ಬರ್ದ್ ಭಾಷೆನ ಘನತೆ ಹೆಚ್ಚಿಸಿದವ್.(ನನ್ನ ಅಜ್ಜ ಹೊದ್ದೆಟ್ಟಿ ಬೆಳಿಯಪ್ಪ ಗೌಡ ಅಂದ್ ನ ಕಾಲಲೇ ಒಂದ್ ಯಕ್ಷಗಾನ ಬರ್ದಿದ್ದೊಗಡ... "ಉದಂಕ ಚರಿತೆ" ಅಂತ) ನಮ್ಮ ಇಂದ್ ನ ಹೈದ, ಗೂಡೆಗಳೂ ಏನ್ ಕಮ್ಮಿ ಇಲ್ಲೆ. ಮೂಡಗದ್ದೆ ವಿನೊದ್ ಬಾವ "ಮುಡ್ಪು: ಅರೆಬಾಸೆ ತಿಂಗ ಪತ್ರಿಕೆ"ನನೇ ತರ್ತೊಳೊ. ಲೋಕೇಶ್ ಊರುಬೈಲ್, ಚರಣ್ ಐವರ್ನಾಡ್, ಧನ್ಯಾ ಬಾಳೆಕಜೆ ಇವೆಲ್ಲವರ್ದೂ ಬರವಣಿಗೆಗ  ಓದಿಕೆ ಸಿಕ್ತುಟ್ಟು.( ಇನ್ನೂ ಇರುವೊ... ನನ್ನ ಗಮನಕ್ಕೆ ಬಾತ್ಲೆ.. ಕ್ಷಮ್ಸಿ) ಹಂಗೇ .... ಇನ್ನೂ ಕೆಲವು  ಜಾತ್ರೆಲಿ ಕಾಂಬ ಗೂಡೆಗಳಾಂಗೆ ಕಂಡ್ ಕಾಣೆಆಗ್ತುಟ್ಟು!!! ಹಂಗೆ ಕಾಣೆ ಆಕೆ  ಬುಡ್ಬಡಿ.. ನೀವು ಬರ್ದದರ  ಅರೆಭಾಷೆ ಗೌಡ ವೆಬ್ ಸೈಟ್ ಲಿ ಪ್ರಕಟ ಮಾಡಕ್. http://www.arebhashegowda.com ಇಲ್ಲಿಗೆ ಸಬ್ ಸ್ಕ್ರೈಬ್ ಮಾಡಿಕಣಿ. ಅಥವಾ ಫೇಸ್ ಬುಕ್ ಲಿ ಲೈಕ್ ಕೊಟ್ಟರೂ ಆದೆ. (https://www.facebook.com/ArebaasheGowda/) ಪ್ರತಿಯೊಂದು ಅಪ್ ಡೇಟ್ ಬರ್ತಿದ್ದದೆ.

ನೀವು ಬರ್ದದರ ಇಲ್ಲಿಗೆ ಕಳ್ಸಿ:

mithunbillara@gmail.com

drpuneethraghavendra@gmail.com

x

ಅರೆಭಾಷೆಗೊಂದು ಅನರ್ಘ್ಯ ರತ್ನ : ಮುಡ್ಪು ಅರೆಬಾಸೆ ತಿಂಗ ಪತ್ರಿಕೆ

                     ಬೆಂಗ್ಳೂರ್ ಗೆ ಬಂದ ಮೇಲೆ ನಂಗೆ ಭಾಷೆ ಇಲ್ಲದಾಂಗಾಗುಟು!!! ಅಂದರೆ ಸೊಯೆ ಇಲ್ಲೇಂತಲ್ಲ... ಅರೆಭಾಷೆಲಿ ಮಾತಾಡಿಕೆ ಜನ ಇಲ್ಲೇಂತ!! ಕಾಲೇಜ್ ಗೆ ಬಂದರೆ ಇಂಗ್ಲೀಷ್, ಹಿಂದಿ, ತಮಿಳು, ತೆಲುಗು,ಮಲೆಯಾಳ.... ಇನ್ನ್ ಪೇಷೆಂಟ್ ಗಳೊಟ್ಟಿಗೋ ಇಂಗ್ಲೀಷ್ ತಪ್ಪಿರೆ ಕನ್ನಡ ಭಾಷೇಂತ ಹೇಳುವ ಕಂಗ್ಲೀಷ್!! ಹಂಗಾಗಿ ನನ್ನೊಟ್ಟಿಗೆ ಅರೆಭಾಷೆಲಿ ಮಾತಾಡುವ ಏಕ ಮಾತ್ರ ವ್ಯಕ್ತಿ .. ಅದೇ ನನ್ನ ಹೇಂಡ್ತಿ!! (ಕೆಲ್ಸ ಮುಗ್ಸಿ ಬೊಚ್ಚಿಕಂಡ್ ಮನೆಗೆ ಎತ್ತ್ ಕಾಕನ ಅದೂ ಇರ್ದುಲೆ.... ಬರೇ ಕೈಭಾಷೆ,ಕಣ್ಣ್ ಭಾಷೆ!!). ಹಿಂಗಿರ್ಕಾಕನ ನಂಗೇ ಭಾಷೆ ಮರ್ತೋದುತ ಹೆದ್ರಿ ಗೊತ್ತಿದ್ದದ್ದರ ಬರ್ಯಕೆ ಸುರು ಮಾಡ್ದೆ. ಒಂದು ನಮೂನೆಲಿ ನೋಡ್ರೆ ಕೆಲ್ಸ ಇಲ್ಲದ ಆಚಾರಿ ಕೂಸುನ ಕುಂಡೆ ಕೆತ್ತಿದಾಂಗೆ!!. ಕಟ್ಟಿಸಿದ್ ಬೂಸ್ ಹಿಡ್ದ್ ಕರ್ಗುದು ಬೇಡಾಂತ ಎಲ್ಲವ್ಕೂ ಓದಿಕೆ ಬ್ಲಾಗ್ ಮಾಡಿ ಇಲ್ಲಿ ತುಂಬುಸ್ತೊಳೆ. ಹೆಚ್ಚಿನವು ಓದಿದೊ... ಖುಶಿ ಪಟ್ಟೊ.. ಸಮಾಧಾನ ಉಟ್ಟು. ಒಂದಿನ ನನ್ನ  ಈಮೈಲ್ ಲಿ ಒಂದು ಪತ್ರ. " ಬಾವ... ನಿಮ್ಮ ಸುಮಾರ್ ಕತೆಗ ಸಾಮಾಜಿಕ ಜಾಲತಾಣಗಳ್ಲಿ ಹರ್ದಾಡ್ತುಟ್ಟು. ಅದರ ನಮ್ಮ ಅರೆಭಾಷೆ  ಮಾಸಪತ್ರಿಕೆ ' ಮುಡ್ಪು'ಲಿ ಪ್ರಕಟ ಮಾಡಕಾ? ... ಇಂತು ನಿಮ್ಮ ವಿನೋದ್ ಮೂಡಗದ್ದೆ". ನಂಗೇ... ಹಸ್ ತಕಂಬಕಾಕನ ಒಂದ್ ಹೆಣ್ಣ್ ಕರ್ ನೂ  ಫ್ರೀ ಸಿಕ್ಕಿದಾಂಗಾತ್. ಆದೂಂತ ಒಪ್ಪಿ, ಒಂದ್ ಪುಸ್ತಕ ಕಳ್ಸಿಕೆನೂ ಹೇಳ್ದೆ.

                     ಹೇಳಿ ಮೂರ್ನೇ ದಿನಕ್ಕೆ ಪತ್ರಿಕೆ ಮನೆಲಿ ರೆಡೀ. ಭಾರೀ ಲಾಯಿಕ್ ನ ಚಿಕ್ಕ, ಚೊಕ್ಕ ಪತ್ರಿಕೆ. ಸುರೂಗೆ ನಾ ನೆನ್ಸಿದ್ದೆ . ಇದರ್ಲಿ 40 ಪುಟ ಇದ್ದರೆ 20 ಪುಟ ಬರೇ ಜಾಹೀರಾತುಗಳೇ ಇರ್ದೋ ಏನೋಂತ!!( ಕೆಲವು ಪತ್ರಿಕೆಗಳ ತೆಗ್ದ್ ನೋಡಿ.... 5-6 ಪುಟ ಸತ್ತವರ ಶ್ರದ್ಧಾಂಜಲಿ!! ಇನ್ನ್ ಮೊದ್ವೆ ಆದವರ್ದ್ , ಆಕೆ ಇರವರ್ದ್, ಯಾರದೋ ಮನೆಲಿ ಸತ್ಯನಾರಾಯಣ ಪೂಜೆ, ಗಣಹೋಮ!! ಒಟ್ಟಾರೆ ವಿಷಯ ಶೂನ್ಯ!!.... ಹಂಗೇಂತ ಜಾಹೀರಾತುಗ ಇರೀಕೇ ಬೊತ್ತೂಂಥಳೂ ಹೇಳುದ್ಲೆ. ಒಂದು ಪತ್ರಿಕೆ ಯಶಸ್ವಿ ಆಗಿ ನಡೆಯಕೆ ಬೇಕಾಗುವ ಆರ್ಥಿಕ ಸಹಾಯಕ್ಕೆ ಜಾಹೀರಾತುಗಳೇ ಮೂಲ ಆಧಾರ.) ನಾ ನೆನ್ಸಿದೆಲ್ಲಾ ಠುಸ್ ಆತ್! ಅರೆಭಾಷೆ ಗೌಡ್ರ್ ಗಳ ಬಗ್ಗೆ, ರಾಜ ಮಹಾರಾಜರ ಕಾಲಂದಲೇ ಇರುವ ಗೌಡ್ರ್ ಗಳ  ಇತಿಹಾಸ, ಅರೆಭಾಷೆ ಗೌಡ್ರ್ ಗಳ ಸಾಧನೆಗ, ಅಷ್ಟೇ ಅಲ್ಲ... ಅರೆಭಾಷೆ ಸಾಹಿತ್ಯ ಲೋಕನ ಬೆಳ್ಗುವ ಕತೆ, ಕವನ, ಗೌಡ್ರ್ ಗಳ ವಿಶೇಷ ತಿಂಡಿ, ತಿನಸ್... ಒಟ್ಟಾರೆ " ಮುಡ್ಪು: ಅರೆಬಾಸೆ ತಿಂಗ ಪತ್ರಿಕೆ" ಒಂದ್ ಸಂಗ್ರಹಯೋಗ್ಯ ಪತ್ರಿಕೆ.

                      ಪತ್ರಿಕೆ ಓದಿ ಖುಷಿ ಆತ್... ಸಂಪಾದಕರ್ ಗೆ ಫೋನ್ ಮಾಡ್ದಿ ವಾರ್ಷಿಕ ಚಂದಾ ಎಷ್ಟೂಂತ ಕೇಳ್ದೆ. ರೂ. 300!! ಇನ್ನೊಂದ್ ಶಾಕ್!!! ಸತ್ಯ ಹೇಳ್ನೆ... ನಂಗೆ ನಂಬಿಕೇ ಬಾರದೆ 3 ಸಲ ವಾಪಸ್ ಕೇಳ್ಯಳೆ " ವಾರ್ಷಿಕ ಚಂದಾ ಎಷ್ಟೂಂತ!!!" ನಾವ್ ಮೂರ್ ತಿಂಗ ಹಾಕುವ ಚಪ್ಪಲ್ ಗೇ ರೂ. 500 ಕ್ಕಿಂತ ಕಮ್ಮಿ ಇರ್ಕಿಲೆ. ಅಂಥದರ್ಲಿ ನಮ್ಮ ಭಾಷೆಲಿ ಬಂದ ಪತ್ರಿಕೆನ ತಲೆಲಿ ಇಸಿಕಂಡ್ ಗರ್ವಂದ ನಡೆಯಕ್. ವರ್ಷಕ್ಕೆ ರೂ.300!!!.. ಒಮ್ಮೆಗೆ ನಂಬಿಕೇ ಬಾದುಲೆ ಅಲ್ಲ??( ದೇಶದ ಅದೆಷ್ಟೋ ಭಾಷೆಗಳ ಮಾತಾಡಿಕೇ ಜನ ಇಲ್ಲೆ!!). ಹಂಗಾಗಿ... ನಾ ಎಲ್ಲರೊಟ್ಟಿಗೆ ಹೇಳ್ದಿಷ್ಟೆ ...."ಮುಡ್ಪು ತಿಂಗ ಪತ್ರಿಕೆ" ತರ್ಸಿಕಣಿ.. ಅರೆಭಾಷೆ ಒಳ್ಸಿ, ಬೆಳ್ಸುದಕ್ಕೆ ನಮ್ಮದೊಂದು ಸಣ್ಣ ಕೈ ಜೋಡ್ಸೊನೊ. ಚಂದಾದಾರ ಆದು ಕೂಡ ಸುಲಾಭ. ಈ ಕೆಳಗೆನ ನಂಬರ್ಗೆ ಪೇಟಿಎಂ ಮಾಡಕ್. ಮತ್ತೆ ಅದೇ ನಂಬರ್ಗೆ ನಿಮ್ಮ ಫುಲ್ ಅಡ್ರೆಸ್ ಕಳ್ಸಿ. ತಿಂಗ ತಿಂಗ ಅರೆಭಾಷೆ ಪತ್ರಿಕೆ ಓದಿ ಮನ್ಸ್ ಹಗ್ ರ ಮಾಡಿಕಣಕ್.

Paytm: 9535615759

Address: Vinod MN

ICICI Bank, Electronic city Branch

Acc. No. 036001532462

IFSC: ICIC0000360

ನಿಮ್ಮ ಹೈದ